မျှော်တလင့်လင့်(၆)

အခုနောက်ပိုင်း လုပ်ငန်းခွင်မှာ သဇင့်ရဲ့မျက်နှာလေးကို အမြဲလိုလိုမြင်ခွင့်ရနေခဲ့သည်။သူမရဲ့ အပြုံးတွေက ဘာနဲ့မှမတူတဲ့ခွန်အားတွေကို ရစေခဲ့တယ်။ဘာရယ်မဟုတ်..ကို့ရဲ့စိတ်တွေက နှင်းသဇင်ကိုသာ အချိန်တိုင်းတမ်းတနေမိတယ်။ ဘာကြောင့်လဲ၊ဘာ့အတွက်လဲ ဆိုတာကို ကိုနားမလည်ခဲ့ပါ။သဇင်နဲ့တွေ့ဆုံပြီးကတည်းက Diary ရေးတဲ့အကျင့်က ကိုယ့်ဆီကို ရောက်လာတယ်။
သဇင်..အချစ်ဆိုတာကို နားမလည်ခဲ့ပါဘူး။ခုချိန်ထိလဲ မဆုံတွေ့ဖူးပါဘူး။သဇင့်ရဲ့အပြုံးလေးတွေ မြင်နေရရုံ၊ဆည်းလည်းသံလေးတွေ
ကြားရရုံနဲ့တင် ရင်ခုန်မိပါတယ်။အရွယ်လွန်တဲ့ အချိန်မှပဲ နှလုံးသားက နိုးထဖို့အခွင့်ရခဲ့တယ်လေ။ဘယ်တတ်နိုင်မှာလဲလေ..၊ကိုယ့်ဘ၀
နဲ့ ကိုယ်ပဲကိုး။
သဇင်..၊ကိုဟာ ကဗျာဆရာတစ်ယောက်မဟုတ်သလို၊စာရေးဆရာတစ်ယောက်လည်းမဟုတ်၊အပြော
ကောင်းတဲ့သူ တစ်ယောက်လည်း မဟုတ်ခဲ့ဘူးလေ။အချစ်ဆိုတာကိုလည်း အဓိပ္ပာယ် ဖွင့်ဖို့မဖြစ်နိုင်ခဲ့ဘူးလေ။ဒါပေမယ့် အခြေအနေတွေ ခြားနေတဲ့ ကိုယ်တို့ရဲ့ဘ၀မှာ သဇင့်ကို ချစ်ခွင့်ရနေရင်ကို ကျေနပ်နေမှာပါ။
သဇင်...၊မျှော်လင့်ချင်တယ်..ဒါပေမယ့် မမျှော်လင့်ရဲ့ဘူး။ချစ်ခွင့်ရချင်တယ်..ဒါပေမယ့် ဖွင့်ပြောဖို့ အားမရှိဘူး။
သဇင်ကို ကိုချစ်နေတယ်ဆိုတာ ဟောဒီ Diary စာအုပ်လေးက လွဲပြီး ဘယ်သူမှ မသိနိုင်ပါဘူးကွယ်။
အခုဆိုရင် ကိုနိုင်စိုးရဲ့ပွဲရုံလုပ်ငန်းက ပိုမိုကျယ်ပြန့်လာတယ်။ရန်ကုန်နဲ့ချိတ်ဆက်ထားချင်းရဲ့ အကျိုးကျေးဇူးက သိသာလှတယ်။ကုန်လိုအပ်ချက်အရ နယ်မြို့တွေကို ကိုယ်တိုင်လိုက်ရတယ်။ကိုနိုင်စိုးကလည်း ညီတစ်ယောက်ပမာ အားကိုးလာတယ်။နယ်တွေသွားစရာ၇ှိလျှင်လည်း ကိုသာသွားရတယ်။သို့သော် ကိုနိုင်စိုးဆီမှ မည်သည့်အခွင့်အရေးမှ ကို မယူခဲ့ပါ။
လမ်းစရိတ်နဲ့စားစရိတ်က လွဲလျှင် ကို ပိုမယူပါ။ဒါကြောင့်လည်း ကိုနိုင်စိုးက ပိုမိုယုံကြည်လာတာဖြစ်မည်။ပြီးတော့ ကိုက လုပ်ငန်းခွင်အတွက် အမြဲတမ်းဦးစားပေးတတ်သည်။ကို ကိုယ်တိုင်ကလည်း ပွဲရုံအလုပ်ကို ကိုယ့်အလုပ်လိုသဘောထားသလို။ အလုပ်သမားတွေကိုလည်း ထိုသို့သဘောထားရန် အမြဲပြောတတ်သည်။အော်..တစ်ဦးက စေတနာ၊တစ်ဦးက မေတ္တာရယ်လို့ ရှိတယ် မဟုတ်ပါလားလေ။
ဒီနေ့လည်း စာရင်းတွေချုပ်ပြီးသွားလို့ ကိုနိုင်စိုးကို စကားပြောဖို့ ထွက်လာခဲ့တယ်။
`အကို ကျွန်တော်စကားနည်းနည်း ပြောလို့ရမလား´
`အမ်.မင်းကလည်းလုပ်ပြီ၊အရင်ကလည်းပြောနေကျပဲကို ခုမှလာပြီးခွင့်တောင်းနေသေးတယ်´
` ဟုတ်ဘူး အကိုရ၊ခုဟာက အလုပ်ကိစ္စမို့ပါ´
` အင်း ပိုတောင် ကောင်းသေးတယ်၊ပြောလေ ကိုယ့်ညီ´
`ဒီလိုပါ အကို၊ ခုနောက်ပိုင်း အိန္ဒိယဘက်က ပဲတွေအ၀ယ်လိုက်နေ။တချို့ဆိုရင် တမူးကနေ ကလေးလောက်ထိဆင်းပြီး အ၀ယ်လွှတ်ကျတယ်ပြောတယ်´
ကို တို့နှစ်ယောက် စကားပြောနေတုန်း နှင်းသဇင်ရောက်လာတယ်။
`ကိုကြီးတို့ ဘာတွေပြောနေကြတာလဲ´
` အော် ဒီမှာ ကိုရဲက အိန္ဒိယဘက်က ကုန်တွေအကြောင်းပြောနေလို.´
`ဟုတ်..ဆက်ပြောပြလေ၊ကိုရဲသူ´
`ဟုတ်..အဲဒီကိစ္စကျွန်တော် စိတ်ဝင်စားလို့ပါအကို။အကိုခွင့်ပြုမယ်ဆိုရင် ကျွန်တော် ကလေးထိသွားပြီးလေ့လာချင်တယ်။
အခြေအနေပေးရင်တော့ တမူးထိသွားချင်တယ်´
`အင်း..ကိုယ့်ညီအကြံကောင်းတယ်၊ကိုယ်တို့အတွက် အကျိုးမယုတ်ပါဘူး၊ဘယ်တော့လောက် သွားမယ်ဆုံးဖြတ်ထားလဲ´
`ဖြစ်နိုင်ရင်တော့ ဒီအပတ်ထဲလောက်ပေါ့၊ဘာလို့လဲဆိုတော့ သဇင်ကလည်း စာရင်းတွေအားလုံးနိုင်နေပြီလေ´
` ကိုရဲက အထင်ကြီးတယ်ပေါ့..ဟုတ်လား´
ကို ဘာမှမပြောပါ..ပြုံးသာနေလိုက်တယ်။သဇင်နဲ့ မျက်လုံးချင်းဆုံအတွေ့ ရင်ထဲမှာ လှိုက်ကနဲတစ်ချက်ဖိုသွားခဲ့သည်။
`ကိုယ့်ညီ ဒီကအပြန်မှာ ဘယ်ကိုသွားစရာရှိသေးလဲ´
`မရှိပါဘူးအကို၊ဘာလို့လဲ´
`အကိုအလုပ်ကိစ္စလေးရှိလို့ အပြင်သွားရမှာ၊အဲဒါ မင်းရဲ့ညီမလေးကို လိုက်ပို့ပေးပါ´
`ဟုတ်ကဲ့ပါ အကို´
အဲဒီညနေက ပွဲရုံမှာ အလုပ်လုပ်နေရတဲ့အချိန်တွေက အရမ်းကြည်နူးဖို့ကောင်းနေသည်။တခါတရံ နှင်းသဇင်ရှိရာကို လှမ်းကြည့်မိတယ်။ရုတ်တရက် သဇင့်ကို ခိုးအကြည့်၊ကို့ဆီကြည့်နေသော နှင်းသဇင်မျက်လုံးများနဲ့ ဆုံမိတော့သည်။သူခိုးလူမိတော့ ဖြစ်သွားပါပြီ။မျက်လုံးကို ကပျာကယာ လွှဲမိတော့သည်။
(၅)နာရီထိုးတော့ သဇင့်ကို လိုက်ပို့ပေးရသည်။စိတ်ထဲမှာက သိပ်မလုံ၊နှင်းသဇင်ကိုလည်း မကြည့်ရဲ ဖြစ်နေသည်။
`အိမ်ကိုပဲ တန်းမောင်းရမှာလား´
` နိုး၊အရင်တစ်ခါ ၀င်တဲ့ အအေးဆိုင်ကိုပဲ အရင်မောင်းပါ´
ရင်တွေက အရမ်းခုန်နေသည်။ဆိုင်ကယ် အင်ဂျင်အသံထက်ပင် ပိုမိုဆူညံနေသေးသည်။
ဆိုင်ထဲရောက်တော့လည်း သဇင်နှင့် မျက်လုံးချင်းမဆိုင်မိအောင် ကြိုးစားနေရသည်။
`ကိုရဲ..´
` ဗျာ..´
` အ ဟာ ဟား..ကိုရဲဘာဖြစ်နေတာလဲ´
`မဖြစ်ပါဘူး´
` သေချာလို့လား´
`အင်းပါ ၊ဒါဆိုလည်း ပြီးရော´
ဟူး...........တော်ပါသေးရဲ့။သက်ပြင်းတောင် ဆုံးအောင်မချနိုင်ပါ။
` ကိုရဲ..အလုပ်တုန်းက ဘာလို့ ခိုးကြည့်တာလဲ´
` အမ်...ဟို..ဟို´
` ဘာ ခုမှ ဟို ဟို လဲ..အလုပ်ထဲတုန်းကတော့ ခဏခဏခိုးကြည့်နေပြီးတော့´
`အမ်..သဇင်က သိတယ်ပေါ့´
`သိတာပေါ့..၊ဒါကြောင့်နောက်ဆုံးကျမှ သူခိုးဖမ်းလိုက်တာလေ´
သဇင်က ပြောလည်းပြော၊ပြုံးလည်းပြုံးနေပါသည်။ခုမှ သဇင်ကိုအနီးကပ်ကြည့်မိပါတော့သည်။အော်..ဓာတုကလျာရဲ့အလှကို ရေးဖွဲ့ပြီး ချစ်သ၀ဏ်လွှာပို့ခဲ့တဲ့ နတ်ရှင်နောင်။နွေအလှနွေပန်းချီနဲ့၊သဘာဝတရားတွေရဲ့အလှတွေကို ရေးဖွဲ့ခဲ့တဲ့ ဦးကြင်ဥတို့ ဦးပုည တို့တောင် သဇင့်ရဲ့ အလှကို မှီအောင်ဖွဲ့နိုင်ပါ့မလားကွယ်။
`ဟိတ်..ကိုရဲ..ဘာတွေဒီလောက်ကြည့်နေတာလဲ၊ဒီမှာ ရှက်လှပြီရှင့်´
` sorry သဇင် အတွေးလွန်သွားလို့´
`ဟွန်း ကိုရဲနော်..စိတ်ဆိုးလိုက်မှာ..လူကိုများ မမြင်ဖူးတာကျနေတာပဲ`
` အင်း မြင်ဖူးလို့ ပိုဆိုးသွားတာထင်တယ်´
`ဘာလို့´
` မမြင်ရ မနေနိုင်အောင်ဖြစ်သွားတာလေ´
` အမယ်..တယ်ဆိုတဲ့ စာပါလား´
`စာက ဆိုတာမဟုတ်ပါဘူး။လူကဆိုတာပါ´
` အဟားဟ´
ဘာပဲပြောပြော သဇင်နဲ့အတူရှိနေချိန်တွေက ဘ၀မှာအပျော်ရွှင်ဆုံးအချိန်တွေပါလား။
`အော် ဒါနဲ့ကိုရဲ..ကလေးကိုဘယ်တော့သွားမှာလဲ´
`လာမယ့် စနေသွားမလို့ စီစဉ်ထားတယ်´
`ရောက်ဖူးလား အဲဒီဘက်ကို´
`ဟင့်အင်း ၊တခေါက်မှမရောက်ဖူးဘူး။ဒါပေမယ့် မုံရွာက ညီလေးတစ်ယောက်ကို အဖော်ခေါ်သွားမှာလေ´
`အော်..ဘာပဲပြောပြော၊အစစအရာရာ ဂရုစိုက်ပေါ့´
` သဇင်က စိတ်ပူလို့လား´
`ဟင်း ပူပါဘူးနော်..ကိုရဲရွာက ကောင်မလေးပဲ စိတ်ပူမှာပေါ့´
`ဘာမှမရှိပါဘူး သဇင်ရယ်၊ခုချိန်ထိ ရိုးရိုးသားသားလေးပါဗျာ´
` ကိုရဲ က အဲဒီကောင်မလေးကို အရမ်းလွမ်းမှာပေါ့နော်...အ ဟား ဟ´
` အာ သဇင်ရယ်..ခုချိန်ထိ ကို လွမ်းဖူးတာ တစ်ယောက်ပဲရှိသေးတယ်၊သိလား´
`အင်း..ဆိုပါဦး´
ကို မပြောရက်ပါ။ဘယ်တော့မှလည်း ပြောထွက်မှာမဟုတ်ပေ။
`နောက်မှပဲ ပြောပြပါတော့မယ်။ခု သဇင်ပြန်တာနောက်ကျနေမယ်လေ´
`အင်းပါ´
သဇင့်ကို လိုက်ပို့ပြီးတော့ ချက်ချင်းပြန်လာခဲ့တယ်။သဇင်ရယ်..ကို့ချစ်သူကို ဘယ်သူက ဆင်းရဲတွင်းထဲကို ဆွဲခေါ်ရက်မှာလဲကွယ်။ခရောင်းလမ်းဆိုတာ ကို တို့လို ဆင်းရဲသားတွေလျှောက်တဲ့အခါ မသိသာနိုင်ပေမယ့် သဇင်တို့အတွက်ဆိုရင် အရမ်းကြမ်းတမ်းလွန်းပါတယ်ကွယ်။ချစ်ခွင့်ရနေသရွေ.အထိသာ ချစ်ပါရစေတော့မေ။

အလင်းသစ်(၁၉.၀၃.၂၀၀၇)