ပန်းချီကားတစ်ချပ်ကို ခံစားခြင်း

ကြာခဲ့ပါပြီလေ...ဒါပေမယ့် အဲဒီပန်းချီကားလေးက အချိန်တွေဘယ်လောက်ပဲကြာကြာ
အမြင်အာရုံထဲက ပျောက်ပျက်မသွားခဲ့ပါ။ပျောက်ပျက်မသွားနိုင်အောင်လည်း
ပန်းချီကားက လှပကာ အဓိပ္ပာယ်ပြည့်စုံလှသည်။ပန်းချီကားတွေကို စကားပြေတစ်ပုဒ်
ဖတ်ရသလို မဖတ်တတ်တဲ့ ကို့အတွက်တောင် ခက်ဆစ်ဖွင့်စရာမလိုအောင် ပြည့်စုံလွန်းနေတော့လည်း
ခုချိန်များထိ ဖျောက်ဖျက်မရနိုင်တာက ကိုအလွန်မဟုတ်တော့ပါ။
ကိန္ဒရီ၊ကိန္ဒရာ ယှဉ်တွဲကာ ကကြိုးသွယ်နေလေဟန် ပန်းချီကားကို လူတိုင်းလိုလိုမြင်ဖူးကြပေလိမ့်မည်။
ထိုပန်းချီကားမှာတော့ ကိန္ဒရီ၊ကိန္ဒရာ မောင်နှံနှစ်ဖော်ဧ။် မျက်နှာလေးတွေကို ကြည်နူးရိပ်လေးတွေ သန်းနေဟန်
ရေးဆွဲထားပေသည်။ကိန္ဒရာမောင်ဧ။် လက်တစ်ဖက်က ကိန္ဒရီမယ်လေးရဲ့ လက်တစ်ဖက်ကို ချိတ်ဆက်ထားပြီး
တစ်ဖက်ကတော့ အနာဂတ်ခရီး ဘယ်လောက်ဝေးဝေးတူနှစ်ကိုယ်ဆိုရင် သွားမယ်ဆိုတဲ့ အဓိပ္ပာယ်နဲ့ ရှေ့တူရူကို
ဆန့်တန်းထားတယ်လေ။
ဒီပန်းချီကားလေးကို ပိုမိုပြည့်စုံစေတာကတော့ .....
ကိန္ဒရီလေးရဲ့ ခြုံလွှာစလေးက ကန်ရေပြင်ရဲ့ မျက်နှာလေးကို ပွတ်သပ်ကျီစယ်ပြီး လှိုင်းနုလေးတွေကို ဖြစ်ပေါ်စေ
တယ်လေ။
ကန်ရေပြင်ရဲ့အရောင်ကိုလည်း ကြည့်ပါဦးလေ..။အပြာနုရောင်သမ်းနေတယ်လေ..။ဒါဆိုရင်
စန္ဒာလမင်းရဲ့ အလင်းနုလေးတွေ ရှိနေလို့ပေါ့။သေချာတာပေါ့လေ...အာကာယံမှာ သော်တာလမင်းက
တိမ်မည်းတိမ်ပုပ်တွေကင်းစင်လို့ ရံရွေတော် ကြယ်စင်လေးတွေနဲ့ အခစားခံနေတယ်လေ။အော် ဒါကြောင့်လည်း
ကိန္ဒရီ၊ကိန္ဒရာမောင်နှံရဲ့ မျက်နှာတော်လေးတွေဟာ ရွှင်ပြုံးနေတာပေါ့။သော်တာ့အလင်းက သက်ရှိသက်မဲ့အားလုံးရဲ့ စိတ်နှလုံးကို ကြည်နူးအေးမြစေတယ်လေ။
ကန်ရေပြင်မှာတော့ ကြာပွင့်လေးတွေက အစီအရီပွင့်လို့ပေါ့။ဒါကိုကြည့်ခြင်းအားဖြင့် ရိုးရိုးကြာပန်း မဟုတ်ဖူး
ဆိုတာကို သိနိုင်ပါပြီလေ။လရောင်ဆမ်းမှပွင့်တဲ့ ကုမုဒြာကြာပန်းလေးတွေပါလေ။အော် ..ကုမုဒြာကြာပန်း
ဆိုတာကလည်း လရောင်ဆမ်းမှပဲ ပွင့်နိုင်ရှာကြတာပါပဲလေ။
ပတ်ဝန်းကျင်တခုလုံးကလည်း တိတ်ဆိတ်ငြိမ်သက်ပြီးတော့ သော်တာလရောင်ကြောင့် အေးမြနေတယ်လေ။
ဘယ်လောက်များ ကြည်နူးစရာကောင်းလိုက်တဲ့ မြင်ကွင်းပါလဲနော်။
ကိန္ဒရီ၊ကိန္ဒရာဆိုတာ လူတွေစိတ်ကူးယဉ်ပြီး ရေးဖွဲ.ခဲ့ကြတာလေ....
တကယ်လို့များရှိခဲ့ရင်လည်း သူတို့လေးတွေ ပန်းချီကားထဲကလိုပဲ ပျော်ရွှင်နိုင်ပါစေလို့...။

အလင်းသစ်(၂၅.၀၄.၀၇)